Son
libre
son
libre
(libre
na miña liberdade analfabeta
de
saberes pseudo-intelectuais)
son
libre
(liberdade
sinxela fume)
son
libre
(liberdade
de vivir esvaecido vento)
(son
animal-libre-racional
emerxente
Instinto vital
cheiro
de rebeldía insubmisa
zas!!!!)
son
libre
(voz
dos pobos aplastados
laio
dun neno que morre de fame
un
baúl cheo de esperanza misturada con miseria)
Fecho
os meus ollos
fecho
os meus ollos
e
adícome a sentir
sinto
un esperanzador silencio
cheo
de matices e cores
verdes
azuis
lilas
mes-tu-rán-do-se
des-fa-cén-do-se
en
agradables sensacións
en
delicados adxectivos
fermoso
divino
mestizo
sinto
o meu maxín
sinto
como se anima a xogar
como
crea demiúrgo el
a
partir de sinxelas ideas
e
de pensamentos-materia
e
crea
crea
crea
sinto
a miña
ialma
ó
fin
silenciada
coreada
adxectivada
xogadora
e
demiúrga
Achégate
achégate achégate
a min
achégate
coma
o vento se achega suavemente a unha flor
doce
aloumiño
mexéndoa
achégate
nun
serán estival á noitiña
case
entre lusco e fusco
cando
a forza do sol esvaece e todo semella máis sinxelo
estareite
agardando na beira dun regato
achégate arreconchégate
agarímame coida de min
achégate
falaremos
falaremos
de todo aquelo que é inmortal
da
ledicia do fermoso da esencia
anoitecerá
un
espléndido ceo estrelado iluminaranos sutilmente
e
a lúa
encomezará
o seu arcano camiño
paseniñ0
sen
présa
sen
memoria
para
que vai ter a lúa présa e memoria?
pasarán
as horas
bicarémonos
bicarémonos
ó alborexar
nese
máxico intre
en
que a luz creba a sombra
e
faina
retroceder
cegándoa
co
seu mudo resplandor